फुलांनो! लक्षात ठेवा
माझ्यामागं सुगंध
चेतवायचा आहे, तुम्हाला
अस्तित्वाच्या ठिणग्या पडू देत;
नको नुसता बहार ओला
आकार आणि अर्थ असू देत,
निदान तुमच्या तरी जगण्याला
कुरणावर पायदळी जाण्यापेक्षा
काटे व्हा ...
असू देत एक सल टोचायला
नाही अंग वळणी पडलं सारं
तर थांबवा थोडा वेळ फुलणं
मी येतेच आहे ...
.....पुन्हा जन्माला
-कौमुदी
माझ्यामागं सुगंध
चेतवायचा आहे, तुम्हाला
अस्तित्वाच्या ठिणग्या पडू देत;
नको नुसता बहार ओला
आकार आणि अर्थ असू देत,
निदान तुमच्या तरी जगण्याला
कुरणावर पायदळी जाण्यापेक्षा
काटे व्हा ...
असू देत एक सल टोचायला
नाही अंग वळणी पडलं सारं
तर थांबवा थोडा वेळ फुलणं
मी येतेच आहे ...
.....पुन्हा जन्माला
-कौमुदी
