तू .....

रे तुझ्या जीवनाचे गाणे गाणे व्हावे
डोळ्यांत सारी अश्कांच्या मी गाणे गात भिजावे

सोनसळी हास्याने सारे जग उजळावे
ते हिरवे श्रावण रावे उंच उंच लहरावे

कुण्या बंदिशीने का गीत तुला ठरवावे
मुक्त छंद कविता तू मुक्त मुक्त बहरावे

मी धावे कस्तूरहरिणी तू माझे मृगजळ व्हावे
तू आन्तर मम असतांना मी तुझ्यात आणि वसावे

मी अर्धरात्रीचा सविता तू पूर्णसूर्य प्रकाशावे
मी अर्धमुर्धसे जगणे तू पूर्णविरामा यावे

तू विश्वरूप दर्शावे मी पार्थ श्रीकृष्ण व्हावे
तू स्वहस्ते मारावे मी कंस होऊनी यावे 

मी आणि काय करावे मी आणि काय लिहावे
तू सोडून तोडून जाणे श्वासांतून जगणे जावे.
                                                         -कौमुदी.