सखे तुझी साथ गं
नाही कळत मला
हातामध्ये हात गं
नाही मिळत मला
कुठे कधी कसं
तुझं मन कळेल गं
तुझ्यासाठी सांग
किती रक्त जळेल गं
साद माझी येते का गं
तुला ऐकायला
दिसरात सखे स्वप्नं
तुझी पाहतो
दिवाणा गं तुझा
कसा राहतो
तगमग माझी सांग
दिसते न तुला
स्वप्नी येतेस जातेस
किती दुष्ट होतेस
रोखून नजर
किती कष्ट देतेस
वेळ का गं इतका
मग जवळ यायला
माझं मन तुला
नाही का कळत
माझ्याविना जीव तुझा
नाही का जळत
कारण काय सखे
अगं इतकं छळायला
तुझ्यावर प्रेम हा
का गुन्हा आहे माझा
सारखा सारखा कशाला
गं खून हा प्रेमाचा
एकदा तरी भेट ना
उत्तर दे मला
ये ना सखे एकदा
हो पौर्णिमेची रात
एकदातरी चांदण्याची
कर ना बरसात
धुंद होऊ दे गं
फुलव गुलाबाला
तुझी साथ माझी मात
आपली वाट हवी
चालूया नं सोबतीनं
पायवाट नवी
नवा अर्थ दे ना सखे
माझ्या जगण्याला
एकदा तरी ये ना
सखे मला भेटायला
-कौमुदी
कोणत्याही टिप्पण्‍या नाहीत:
टिप्पणी पोस्ट करा