स्वप्नरंगा सोडू नको
तू पुन्हा स्वप्नील हो
क्षितीजावरी तू पुन्हा
क्षितीजामध्ये सामील हो
जा पुन्हा घेऊन ये तू
पौर्णिमेचे चांदणे
चांदण्या रात्री पुन्हा
तू तिथे गाफील हो
वार झेलून यामिनीचे
रक्तवर्णी सूर्य हो
उधळूनी साम्राज्य सारे
रे पुन्हा तू चंद्र हो
आत्मरंगी रंगणारा
तू पुन्हा घननीळ हो
स्वप्नरंगा घेऊनि ये
जा पुन्हा स्वप्नील हो!!!
-कौमुदी.
कोणत्याही टिप्पण्या नाहीत:
टिप्पणी पोस्ट करा